Көрме ҚР Зоология институтымен серіктестікте өткізіледі және тек маржан рифтері туралы ғана емес, сонымен қатар Қазақстанның биоалуантүрлілігі туралы баяндайды.
Фотовыставканың ашылуы 2 сәуір күні сағат 13:00-де мына мекенжайда өтеді: Сейфуллин даңғылы, 617, Forum СОО, 1-қабат.
Көрме World Unseen: Coral Matchmaking халықаралық жобасы аясында ұйымдастырылған. Бұл – Canon компаниясының, британдық Coral Spawning International зертханасының және Сейшел аралдарындағы табиғатты қорғау ұйымы Nature Seychelles-тің бірлескен бастамасы. Халықаралық топ маржан рифтерін инновациялық технологиялардың көмегімен қалпына келтіру жобасын іске асыру үшін күш біріктірді.
Жобаның мақсаты – рифтердің жойылуын тіркеу ғана емес, олардың болашағын қайта жаңғыртуға талпыныс жасау. Міндеттері: климат өзгерісіне төзімді маржандарды өсіру, олардың табиғи ортада орнығуына көмектесу, көбеюіне жағдай жасау және генетикалық қорын нығайту.
Маржан рифтері – «теңіздің тропикалық ормандары». Олар теңіз түбінің 1%-дан аз бөлігін алып жатса да, барлық теңіз түрлерінің 25%-ының тіршілігін қамтамасыз етеді. Рифтер толқын энергиясының 97%-ына дейін сіңіріп, жағалауларды эрозия мен дауылдан қорғайтын табиғи тосқауыл қызметін атқарады. Олар жүздеген миллион адамды азық-түлікпен, балық шаруашылығымен және туризммен қамтамасыз етіп, экономика үшін аса маңызды.
Маржан рифтерінің негізгі қызметтері:
- Биологиялық рөлі: Мыңдаған балық, ұлулар және басқа организмдер үшін баспана, қорек және көбею ортасын ұсынатын биоалуантүрлілік орталықтары.
- Жағалауды қорғау: Рифтер толқын тосқауылы ретінде әрекет етіп, жағалау сызығының бұзылуын, су тасқынын және эрозияны болдырмайды.
- Көміртек айналымы және тепе-теңдік: Маржандар көмірқышқыл газын бекітуге және кальций карбонатынан риф түзуге қатысып, мұхиттың химиялық құрамын реттеуге ықпал етеді.
- Ғылыми және медициналық әлеует: Маржандардан бактерияға қарсы қасиеті бар, жаңа дәрі-дәрмек жасауға перспективалы заттар анықталған.
- Экономикалық маңызы: Рифтердің жыл сайынғы жаһандық экономикалық құны миллиардтаған АҚШ долларымен бағаланады, балық шаруашылығы мен туризмді қолдайды.
Экожүйеге төнетін қауіптер:
Маржан рифтері өте нәзік және климаттың өзгеруінен (судың жылынуына байланысты ағару), ластанудан, шамадан тыс балық аулаудан және жойқын балық аулау әдістерінен зардап шегеді. Ағарған маржандар өсуін тоқтатып, біртіндеп жойылады.
Бұл жобада Canon тек технологиялық серіктес емес, ғылым мен қоғам арасындағы медиатор ретінде әрекет етеді. Canon EOS R System қоса алғанда, камералар көзге көрінбейтінді бейнелейді, ал баспа технологиялары деректерді көрмелерге, білім беру материалдарына және көру қабілеті төмен көрермендерге арналған тактильді бейнелерге айналдырады.
Көрме Canon компаниясы мен ҚР Зоология институты серіктестігімен өткізіледі және маржан рифтерімен қатар Қазақстанның биоалуантүрлілігі туралы да баяндайды.
Фотовыставкада қазақстандық фотографтар мен зерттеушілердің жұмыстары ұсынылады:
- Дмитрий Малахов, ҚР Зоология институтының ГАЖ және ҚЗЗ бөлімінің меңгерушісі;
- Владислав Якушкин, фотограф;
- Геннадий Дякин, бердвочер;
- Владимир Тимоханов және Тимофей Банников, дизайнерлер, ҚР Зоология институты;
- Асем Баймуканова, Гидробиология және экология институтының ғылыми қызметкері.
Фотовыставканың ашылуы 2 сәуір күні сағат 13:00-де Сейфуллин даңғылы, 617, Forum СОО, 1-қабат мекенжайында өтеді. Кіру тегін!
Маржан рифтері мен қазақстандық мамандардың фотожұмыстарының көрмесі 2 айға созылып, 2026 жылғы 2 маусымда аяқталады.
Көрме серіктестері:
- Британдық Coral Spawning International зертханасы
- Сейшел аралдарындағы табиғатты қорғау ұйымы Nature Seychelles
- ҚР ҒЖБМ ҒК Зоология институты
- Гидробиология және экология институты
Фотовыставкаға келіп, маржан рифтерінің рөлі және оларды сақтау жобасы туралы көбірек біліңіз. Мүмкін, дәл осылай – бейне, ғылым және мәдениет арқылы – көрінбейтін әлемге тірі қалуға мүмкіндік туар!
