Өткізу күні: 2026 жылғы 16–17 сәуір
Өткізу орны: Алматы қ., Қазақстан Республикасы
Сіздерді қазақстандық және кеңестік герпетолог Зоя Карповна Брушконың (1931–2023) 95 жылдығына арналған «Қазіргі заманғы герпетологияның жетістіктері мен мәселелері» атты халықаралық ғылыми конференция жұмысына қатысуға шақырамыз.
Өткізу уақыты мен орны: конференция 2026 жылғы 16–17 сәуірде Алматы қаласында (Қазақстан) өтеді.
Конференция ұйымдастырушылары: ҚР ҒЖБМ Ғылым комитетінің «Зоология институты» РМК және РҒА жанындағы А.М. Никольский атындағы Герпетологиялық қоғам.
Өткізу форматы: онлайн
Конференцияның негізгі мақсаты – қосмекенділер мен бауырымен жорғалаушыларды зерттеу және қорғау ісіндегі ынтымақтастықты нығайту: әріптестердің кездесуі, нәтижелермен алмасу, герпетофаунаны сақтау мәселелері мен перспективаларын талқылау.
Жұмыс тілдері: қазақ, орыс, ағылшын.
Конференция материалдары конференциядан кейін РИНЦ (eLIBRARY.RU) базасында индекстелетін жинақта жариялау жоспарлануда. Рәсімдеу талаптары тіркелген қатысушыларға жіберіледі.
Қатысушылар қатаң тақырыптық шектеулермен шектелмейді. Қосмекенділер мен бауырымен жорғалаушылардың фаунистикасы мен биогеографиясы, систематикасы мен филогениясы, морфологиясы мен эволюциясы, экологиясы мен сақталуы мәселелері бойынша баяндамалар құпталады. Пленарлық отырыс аясында қосмекенділер, тасбақалар және қабыршақтылар биологиясының өзекті мәселелеріне арналған дәрістермен шақырылған мамандар қатысады.
Тіркеу
Қатысу үшін тіркеу формасын толтыру қажет (1 ақпараттық хатты қараңыз). Хат тақырыбында «Конференция материалдары» деп көрсету керек.
Өтінімдерді келесі электрондық поштаға жіберіңіз: tatjana.dujsebayeva@zool.kz
Маңызды күндер:
20 ақпан – қатысушыларды тіркеудің соңғы мерзімі.
1 наурыз – конференция бағдарламасы мен жариялау талаптары бар 2 ақпараттық хатты жіберу.
10 сәуір – қатысушыларға Zoom сілтемесін жіберу.
16–17 сәуір 2026 ж. – пленарлық және секциялық отырыстар.
16 мамыр 2026 ж. – конференция материалдарын жариялауға қабылдаудың соңғы күні.
Байланыс:
Дуйсебаева Татьяна Николаевна – dujsebayeva@mail.ru
Доронин Игорь Владимирович – ivdoronin@mail.ru