Зоология институтында «Қазақстан ғылымының корифейлері: академик Сергей Николаевич Боевтің 120 жылдығы» атты дөңгелек үстел өтті, ол Қазақстандағы Ғылым қызметкерлері күніне орайластырылды.
Дөңгелек үстелге қатысушылар
Сергей Николаевич Боев (1905–1987) – академик Скрябиннің шәкірті, ветеринария ғылымдарының докторы, профессор, гельминтолог, ҚазКСР ҒА академигі, ғылымға еңбегі сіңген қайраткер, академик К.И. Скрябин атындағы сыйлықтың лауреаты, Қазақстанның Алтын Құрмет кітабына енгізілген.
Дөңгелек үстелге қатысушыларға арнаған құттықтау сөзді институттың уақытша бас директоры Чирикова Марина Александровна айтты.
Паразитология зертханасының ғылыми қызметкерлері баяндама жасады:
Джусупбекова Нургүл Мадалиевна, зертхана меңгерушісінің м.а., Боев С.Н.-нің өмірбаянын, зерттеулерін, ғылыми жетістіктерін және гельминтология ғылымына қосқан үлесін таныстырды. Презентацияда назар аударған мұрағаттық фотосуреттер пайдаланылды. Сергей Николаевич тек көрнекті ғалым ғана емес, сонымен бірге жас кадрларды даярлауға және жастарды ғылымға тартуға үлкен мән берген. Оның жетекшілігімен 25-тен астам кандидаттық және 6 докторлық диссертация қорғалған.
Жантелиева Лаура Оразакыновна, PhD, паразитология зертханасының қазіргі жағдайы, зерттеу бағыттары, жетістіктері мен болашақ перспективалары туралы баяндады.
Қонақ ретінде шақырылған Губайдуллин Наиль Абдрахманович, паразитолог-ғалым, өз кезінде зоология институтының аспирантурасын бітіріп, ғылыми жұмыс бойынша орынбасары болған. Ол Боевпен 65 жыл бұрын танысқан, институтқа алғаш келген жас ғалым болған кезде. Біз, әлі 90 жасқа толмағанына қарамастан, ол дөңгелек үстелге келіп, естеліктерімен бөлісе алғанына қуаныштымыз.
Чирикова М.А., Тлеубердина П.А., Есенбекова П.А., Губайдуллин Н.А., Сулейменов М.Ж. (солдан оңға)
Сонымен қатар институттың ардагер қызметкерлері – Тлеубердина Пируза Аблаевна және Сулейменов Маратбек Жаксыбекович сөз сөйледі.
Осындай кездесулер, әсіресе жас ғалымдар үшін өте пайдалы, олар институт тарихын сақтап, дәстүрді жалғастыруға, зоология ғылымының негізін салған ғалымдарды еске алуға мүмкіндік береді.
Фото: Л.М. Шахворостова
16.04.2025